VAHİDLİYİMİZ DÖVLƏTİMİZİN TƏMƏLİNİ TƏŞKİL EDİR

“Polisə Dəstək” İctimai Birliyi cəbhənin təmas xəttindəki vəziyyətin gərginləşməsi və dövlətin ərazi bütövlüyünün bərpası ilə  bağlı idarə heyyətinin  növbəti iclasını keçirib.

Təşkilatın  sədri Şəmsəddin Əliyev hər bir azərbaycan vətəndaşını kimliyindən, mövqeyindən və  siyasi əqidəsindən  asılı olmayaraq  baş komandan İlham Əliyevin və dövlətin rəmzləri ətrafında sıx birləşməyə çağırıb. Biz birlikdə daha güclüyük , vahidliyimiz  dövlətimizin təməlini təşkil edir-deyib.

Yekun olaraq qeyd olunub ki, artıq, dövlətimizin iqtisadi qüdrətinə, onun siyasi kursuna, beynəlxalq aləmdəki diplomatiyasına hörmətlə yanaşan dövlətlər və diplomatik personalar Ermənistanın  Azərbaycan xalqına qarşı soyqırımını, ölkənin suverenliyinə işğalçı və  aqressiya  siyasətini tanımaq  zorundadırlar. Atalar məsəlidir: ”Haqq nazilər, amma üzülməz”. Bizim istəyimiz Haqqdır. Bu, uca Allahın adıdır.

  Dəfələrlə uca səslə  beynəlxalq aləmə, beynəlxalq informasiya vasitələri ilə   xitab edərək hayqırmışıq ki, Cənablar, biz müharibə yox, torpaqlarımızı istəyirik. Heç bir dövlətin suverenliyinə qəsd etmək niyyətimiz yox, amma Azərbaycanın da  suverenliyinə yönələn  qəsdlərə seyrçi mövqedə  dayana bilmərik. Hər birimizin amalı vahid məqsədə xidmət etməkdir.

Soçidə dövlətimizin başçısı İlham Əliyev  düşmən tərəfin dövlət başçısını RF-nın prezidenti V.Putinin yanında sanki tənbeh edib:Siz, milli qəhrəmanımız Mübariz İbrahimovla bacarmadınız.Amma onun cəsədi ilə Hitler ordusunun davrandığı kimi davrandınız... Bu, Qarabağ münaqişəsinin həllində  (guya) vasitəçilik edən qrupa, həm Ermənistan  və onun havadarları üçün ciddi bir mesaj idi.

Azərbaycan xalqı  ordusuna və  baş komandanına inanır.

Son günlər işğalçı tərəf  dövlət səviyyəsində ağılsız addımlar atmağa  başlayır.  Özünə və ordusuna yox, dayələrinə, bir az da obrazlı ifadə etsəm  “süd analarına” - surroqat valideynlərinə güvənərək  çaşqın vəziyyətə düşüb. Bu çaşqınlıq erməni ordusuna da  sirayət edir. Erməni ordusunda beyin silkələnməsi baş verib...Ağıllı addım gözləməyə dəyməz.

Təmas xəttindəki  gərginlik ərəfəsində  Azərbaycan prezidentinin qaynar nöqtədə hərbiçilərimizlə  bir  yerdə olub, şəraitə nəzarət  etməsi orduya əlavə ruh yüksəkliyi verib.

Bir müharibə  veteranı kimi məndə belə bir təəssürat yarandı ki, əgər həmin vaxt  baş komandan bircə dəfə “İrəli!” komandasını versəydi “qız bibi” erməni əsgərlərinin  cəsədləri göyə sovrular,  ölkə isə xəritədən silinərdi. Tarix yenidən onu “İrəvan xanlığı” kimi bizə qaytarardı.

 Səhv etmək limitimiz tükənib. Sadəcə bir millət , demokratik dövlət olaraq zorakılıqdan vaz keçməyimiz və humanistliyimiz,  Beynəlxalq hüququn  prinsiplərinə yüksək hörmətin  bariz nümunəsidir. Milli ordumuzun taktika və strategiyasının,modern hərbi arsenalın zərrəciyi Sejikdə, bizdə olan iqtisadi imkanların 1 faizi Ermənistan tərəfində olsaydı  yəqin ki, müharibəni davam etdirmək imkanını və işğalçı siyasətini əldən verməzdilər.

  Açığı etiraf etməliyik ki, hər birimizdə vətənə  sədaqət, vətəni müdafiə və vətən yolunda şəhid olmaq həvəsi  hədsiz dərəcədə artmışdır.

Ermənistanın dövlət siyasəti özülü olmayan, zəif palçıqla hörülmüş divara bənzər. Kərpiclər iplə deyil, başdansovdu hörüldüyündən siyasi mühitə davamlılığı yoxdur. Nə vaxtsa yenə Azərbaycana möhtac olacaq və qardaş Türkiyənin önündə səcdəyə qapılacaq ki,  Azərbaycanla qonşuluq etsin. Hər şeyindən keçməyə hazır olacaq, hər şeyindən… Zaman-zaman belə olub. Biz ürəyi yuxalıq etmişik, aldanmışıq. Biz qonşu olmağa tarixən  məhkumuq. Amma əsil qonşu kimi,..  İki-üzlü, məddah, riyakar qonşulara   ehtiyacımız yoxdur.

Erməni təxribatçılarının  cılız, “əks-kəşfiyyat tədbirləri”nə peşəkar və səriştəli ordumuzun bir qrup  heyəti tərəfindən çevik reaksiya verildi. Sonrası hamımıza bəllidir. Erməni “kəşfiyyatçıları” rüsvay oldular, alçaldılar, ölkə prezidentindən və Azərbaycan xalqından üzr istədilər. Hələ bu harasıdır,dövlət səviyyəsində  bizdən üzr istəyəcəklər, başlarını aşağı dikəcəklər... O günə lap az qalıb, səbr edək...  Nə vaxtsa bu sırtıqlara,tarixi bulanıq, nimdaş xalqın əsgərlərinə “nokaut” dərsi verilməliydi, küncə sıxılmalıydılar. Ey,dünya siyasiləri ve diplomatları! Qulağınızda sırğa edin! Sonuncu əskərimiz dəfn olunmayana qədər bizim üçün müharibə qurtarmayıb, qurtarmayıb...eşidin, bilin!

Azərbaycan vətəndaşı kimi doğrusu heç istəməzdim ki, Prezidentimiz əli soydaşlarımızın qanına batan  bir haramzadə (və yaxud haramzadələrlə) ilə  beynəlxalq səviyyəli görüşdə bir masada əyləşsin.  Azərbaycan Respublikası CM-nin  bir çox maddələri ilə təqsirləndirilməli olan arzuolunmaz şəxslə  ərazi bütövlüyümüzün bərpası məsələsini  müzakirə etmək nə dərəcədə məntiqlidir? Qarşı tərəf bu azmış kimi beynəlxalq hüququn da, prinsiplərinə  müstəsna hörmətsizlik edir, xislətinə uyğun hərəkəti, bəzi cilovlanmayan dövlətlər üçün də əndazəsini  aşmaqda presedent  rolunu oynayır.

Düşünürəm ki, Azərbaycan Silahlı Qüvvələri işğalçı tərəfə yerini və həddini göstərə bildi. Bu hələ solaxay şapalaq idi…

Allahdan ordumuza  zəfər arzulayırıq