XOCALI SOYQIRIMI UNUDULMAYACAQ

-Sülh içində yaşamaq üçün mübarizə lazımdır.

-Özünü müdafiə edən xalq məğlubedilməzdir.

Napaleon

Gündüzü və gecəni, göy üzünü bəzəyən günəşi, ayı və saysız – hesabsız ulduzları müvazinət içində saxlayan Allahdır. Kainatda hökm sürən Onun qanunlarıdır. Müvazinət pozulanda bir ulduz parçası belə dünyanı toz halına gətirə bilər. Yer üzündə dünya qanunları, dövlətlər arasında isə beynəlxalq normalar var. O qanunları və normaları qorumaq biz bəndələrin, dövlətlərin borcudur. Qorumayanda müvazinət itir. Bir nəfərin və ya cəmin, bir az da uzağa getsək fövqəl dövlətin səhlənkarlığı nəticəsində beynəlxalq aləmi toz halına – xarabazara çevirən bir olay yaşanır...

Bir vətəndaş kimi millətin dərdinə şərik ola, imkanımız daxilində onu ovundura bilməsək, zalimlərdən olarıq,milli qürurumuzu itirərik.

Yer üzündə dərdli millətlər çoxdur. O dərdləri bölüşə bilsək, zalımın əlindən tutub ona “dur” deməyə cürətimiz çatarsa, ona barmaq silkələsək ucalarıq. Belə davransaq dərdlərə məlhəm qoymuş olarıq. Ətrafımızdakılara, digər millətlərə qarşı qarşı yox, özümüzə qarşı amansız olmalıyıq!

Azərbaycan üçün Xocalı soyqırımı, ərazimizin itirilməsi böyük bir dərddir. Unutmaq mümkün deyil bu nisgilli günləri. Tanrı hökmünü verəcək. Şən günləri unutmaq çox asan , Xocalıda yaşananları isə unutmağa haqqımız yoxdur. Hər il onu anırıq, hər gün bu anı – Xocalını yaşayırıq və yaşamağa məhkumuq.Yaddaşımıza işkəncələrə, insan ləyaqətini alçaldan hərəkətlərə tuş gələn hər bir soydaşımızı köçürməliyik...

Doğmaların itkisi ilə barışmaq, namərd işgəncələrini yaddan çıxarmaq çətindir! Tanrı millətimizi yolunu azmış millətlə münasibətdən qorusun, onunla münaqişədə bizə yardımçı olsun, bizə güc versin. Atalar sözüdür, ilan, elə ilandır, onun yaxşısına da lənət. Tanrı belələrindən bizi hifz etsin!

Dövlətlər böyük və kiçikliyindən asılı olmayaraq öz adət-ənənəsinə, hamılıqla tanınmış prinsiplərə, bəşər övladına, ən nəhayət özünə hörmət edə bilmirsə, başqa dövlətlərdən və millətlərdən də hörmət gözləməsin. Belə məsələlərdə vaxt istəmək və yaxud nəyisə gözləmək üçün təqvimdə hər hansı düzəlişlərin, islahatların aparılmasına ehtiyac qalmır. Hər dövlətin, millətin öz əxlaqı, milli ideologiyası var, o qorunmursa, deməli, dəyəri də yoxdur.

İnsan - məhəbbətin əlavə məhsuludur. Allah hər bir ümməti belə yaradıb. Bunu bütöv bir millətə də şamil etmək olar. Dinc insanların məhv edilməsini qarşısına məqsəd qoyan, anaların bətnlərini süngüdən keçirən millətin övladlarına insan – məhəbbətin əlavə məhsuludur – demək olarmı? Olarsa onda bəs, insana məhəbbət və mərhəmət nədir?

Təəssüf doğuran odur ki, dövlətlərin cinayətlərinə adekvat olaraq hər hansı bir cəza növü tətbiq olunmadığından ədalət mizanı pozulur. Amma buna əhəmiyyət

verilmir. Faciəmiz ondadır ki, kiminsə qayğısına qalmaq istəmirik. Daha betəri isə zəif, gücsüz dövlətlərə qayğı göstərən dövlətlər tapılmır.

Bəzən bataqlıqları da dərin görürük. Amma bu təsəvvürlər də yanlış olur. Fikirlərin dərinliklərinə inanaq, ora baş vuraq. «Xocalı “dərdlərimizin dərinliklərində bitən harayımızdır. Eh, vay-deyən anamız, ağlayan çağamız və nakam gedən cavanlarımızdır...

İnamı kor olanın acıqlı gözləri olur – deyirlər. İnamı kor, gözləri ac və niyyətində qisasçılıq olan millətin də, gələcəyi olmaz. Vallah məni qınamayın, Ermənilər bizim bu günümüzün yox, sabahımızın və gələcəyimizin düşmənidir. Düşməni dosta çevirmək böyüklükdürsə, və yaxud, tutalım ermənini dosta çevirsək bəs, Xocalı soyqırımını hara yazaq? Qəlbimizə yazaq, qəlbə yazılan unudulmur. Xocalıda baş verənləri unutsaq Allah bizi qarğıyar. Bu qətliam, Kərbəla müsibəti qədər tarixdə yaşayacaq.

Müdriklər deyirlər ki, hər şey insanın öz əlindədir. İstəsək, qisası qiyamətdə yox, bu dünyada alarıq.

Əlləri qana bulaşmış, köməksiz ahılların, uşaqların və qadınların qətliamında əllərinin izi olanlar gündə yüz yol yuyunsalar da, hətta yansalar belə, yenə o əllər təmizlənməz ! Vələdə zinadırlar, ona görə!

Xocalı – qətliamını beynəlxalq aləm hansı “dəbdə”, hansı formada geyindirsə də, o çılpaqlığı ilə görünür, qətliamdır və inkarolunmazdır. Bu, beynəlxalq cinayətdir. Onun iştirakçıları da, təşkilatçıları və icraçıları da beynəlxalq tribunallarda cavab verməlidirlər! Mənəvi və maddi ziyan tam ödənilməli, tarixi və mədəni abidələr tam bərpa olunmalıdır.

Erməni qəsbkarlarının insanlığa zidd əməlləri nəticəsində 20.000-min nəfər həlak olmuş,150.000 evlər; 7000 ictimai binalar; 693 məktəb; 855 uşaq bağçaları; 695 tibb ocaqları; 927 kitabxanalar; 9 tarixi saraylar; 464 tarixi abidələr; 40.000 eksponatlar; 160 körpülər; 280.000 ha. meşələr; soyqrıma məruz qalmışdır.

Beynəlxalq hüququn doktrinası soyqrıma görə dövlətlərin məsuliyyətini önə çəksə də, hələ ki, bizə şamil olunmur. Əsl ayrı - seçkilik budur.

Zənnimcə Azərbaycanlılara qarşı, amansızlığı ilə seçilən Xocalı soyqrımı təkcə erməni xuntasının əməli deyil, bu ermənilərin milli xarakterini əyani şəkildə qabardan, bəşəriyyətə, beynəlxalq hüquqa və BMT-yə müstəsna həyasızlıqlar nümayiş etdirən və yenə amansızlığı ilə seçilən Sarkisyan, Köçəryan, erməni dövlətinin təməlini təşkil edən erməni xalqının və havadarlarının əməlidir.

Vaxtılə Almaniyanın nüfuzlu hüquqşünası Mannhaym Genosidə görə dövlət, xalq və gələcək nəsil cəzaya məruz qalmalıdır –demişdi. Belə olmasa, hələ çox dövlətlər cəzasızlıq mühitindən həddini aşacaq. Bu mənada, ermənistanı cinayətkar- dövlət adlandırmaq çox düzgün olardı. Çünki Genosid dövləti cinayətdir, bu zaman dövlət, dövlət aparatı, hökümət, yerli adminstrasiya, ordu, polis, KİV və sş təbliğat xidmətləri məqsədli şəkildə ərazi ekspansiyası siyasətinin həyata keçirilməsinin nəticəsi və təzahürü kimi çıxış edir.

Beynəlxalq hüququn subyekti kimi Ermənistan Beynəlxalq Hüquq normalarını həyasızcasına aşsa da, heç bir məsuliyyətə məruz qalmır. Azərbaycanı öz problemi –Ermənistanla baş-başa buraxsalar, kənara çəkilsələr, qisasımızı almağa qadirik. Qədim zamanlarda əldən gedən əmlak hüquqlarının bərpası üçün

şəxs diğərindən qisas almaq üçün onu duelə - təkbətək döyüşə çağırmaq, satistaksiya hüququ olurdu. (Satistaksiya –təmin etmək –mənasını verir yunan sözüdür.) Biz ermənistanla belə davrana bilərik. Şükr Allaha gücümüz yetərincədir.

Ermənistan dövlətinin Azərbaycana qarşı təcavüzü təkcə Azərbaycan xalqına qarşı deyil, bütövlüklə beynəlxalq ictimaiyyətə, bəşəriyyətə yönəlmişdir. Nə qədər ki, işğalçı dövlət ərazilərimizi boşaltmayıb, beynəlxalq aləmdə sülh üçün, ətraf mühit su hövzələrinin, çayların, dənizlərin miqyaslı şəkildə çirkləndirilməsi üçün təhlükə var.

Ermənilər Xocalıda soyqırımı ona görə törətdilər ki, biz onlardan fərqli düşünürük, fərqli millət və xalqıq, onlardan fərqli olaraq başqa dinlərə və millətlərə dəyər veririk, biz Türkük, ona görə!

Zaman sübut edir ki, insanlar ən çox ideya uğrunda qurban gedirlər. Ermənilərin ideyaları puç və vəhşi aləmin ideyasıdır. Sivil dünyada belə ideyalara yer olmur. Nə vaxtsa onlar öz ideyalarının və əməllərinin qurbanına çevriləcəklər. Onun şahidi olacağıq.

“Həqiqəti axtarmaq üçün mütləq axan çayın hərəkət istiqamətinə qarşı üzməyə ehtiyac qalmır. İstiqlalımızı istəyiriksə onu qorumalıyıq və heç kimə verməməliyik, heç kimə etibar etməməliyik! İstiqlalımız şəhidlərin qanı bahasına qazanılıb… Torpağa tökülən o qanlar hələ çox igidlər bitirəcək…

Dinimizin qayəsi, insanlığın mahiyyəti də, bundan ibarətdir. İstiqlalı olmayan millətin gələcəyi də olmaz! Öz səadətini başqasının qətliamında axtaran millətin taleyi isə görünməz. Tanrının əzab yağışı harda olsalar onları haqlayacaq!

Gəlin razılaşaq ki, güc həmişə həqiqətin tərəfində olur. Azərbaycan güclüdür ona görə ki, haqq onun, və o, haqqın tərəfindədir. Quzu ilə canavarın düşüncəsində “böyüklük” və “azadlıq” necədirsə, ermənilərin də yırtıcı təfəkkürlərində yaşamağın mahiyyəti elədir.

Yırtıcı heyvanları öz əməllərindən çəkindirmək mümkün olmadığı kimi erməniləri də alçaq niyyətlərindən yayındırmaq çətindir. Onların milli ideyalarında bədbəxtliklərin və bədxahlıqların yuvası var. Onun qaranlıqlarında başqa millətlərə qarşı düşmənçilik, qisasçılıq və nifrət hissləri cücərir. Ey ölkəmizin alicənab insanları, birləşin ki, belə hallara imkan yaranmasın! Qisas qiyamətə qalmasın!

23 fevral 20017-ci il

Qeyd: Məni qınamasınlar. Bir vətəndaş, müharibə veteranı, və övlad itirən ata kimi, dəhşətləri gördüyümdən başqa cür yaza bilməzdim.Allahdan şəhidlərimizə rəhmət,qəbrləri nurla dolsun duası ilə…Amin!